围巾瘦面，你试过未？

日期：2011-12-06 作者：admin 来源：金羊网-新快报 中国财富网 推荐：股民学院

　　

　　多云15℃～21℃

　　围巾都可以瘦面，点样瘦啊？哈哈，你冇睇错，不过唔系用条围巾嚟打块面，而系只要你配搭得当，戴咗围巾之后，喺视觉上会明显觉得块面瘦D！呢两日天气开始回暖返少少，阿姐建议唔好戴太厚嘅毛线围巾，最好系薄薄长长嘅轻纱，随意搭喺胸前，再配同颜色嘅长靴，噉就又修身又瘦面啦，哈哈。

　　冬月十二

　　宜：抱暖宝宝 吃火锅

　　忌：喝热茶 超车

　　每日提醒

　　即日起至12月10日，景德镇名家瓷器展在广州流花湖公园艺博馆展出。

　　揾工指数

　　做过志愿者 录取有优先

　　喺应届生赶住揾工、在职人赶住跳槽嘅时节，除咗“有经验优先”，原来仲有“做过志愿者嘅优先”！新出台指导意见话，“鼓励机关、学校和企事业单位，在同等条件下优先录取和聘用有志愿服务经历且表现突出者”。今次真系“我志愿，我快乐”啦！

　　交通指数

　　公交专用道 私闯已开罚

　　呢几日最多车主朋友关注嘅就系公交专用道嘅事，琴日开始又增加咗27公里专用道，而且仲开罚添，私家车闯入就罚150蚊，冇得商量。不过好彩，全天性专道调整为高峰时段专用，多D时间走盏咯。

　　出行指数

　　年尾大扫货 提防三只手

　　一到年尾，“三只手”就会偷偷出动，家阵甚至有中年妇女抱住个BB嚟偷名牌衫，你去柜台交钱嗰阵，分分钟有贼仔假扮顾客，趁你唔注意就攞走手提包……所以各位朋友喺商场大扫货嗰阵，留个心眼啦。

　　家居指数

　　天冷洗热澡 燃气要通风

　　夜晚好冻啊，冲热水凉可唔可以唔开排气扇啊？如果你系用燃气热水器，噉就一定要保证通风，否则好容易煤气中毒嘎。如果真系怕冻，可以考虑装番个节能式电热水器，安全D而且仲可以悭钱添！

　　（整理：陈颖雅 漫画：王云涛）

郑重声明：中国财富网所载文章、广告、外部链接和数据仅供参考，不构成投资建议，据此入市，风险自负。
信息纠错：QQ:1625549920 邮箱:1625549920@qq.com 广告联系电话:131-8673-7736